ندمان على ماضى
...................
ندمان على ماضى اتكسر وضياع احلام
كاتم فى قلبى وبتحسر و بنز الام
وبخبى الدمع فى عنيا وبقول تعبان
الله يجازيك ياللى ظالمنى ويجازى الايام
ندمان على ماضى اتكسر وضياع احلام
والحلم اللى انا شوفته اتفسر وبديت بخصام
بستان الورد فيه بتكسر خليتو حطام
يا خسارة اخلاصى فى حبك والله انا ندمان
انا عمرى تانى ما اعاتبك ولا بينا كلام
اتحمل قلبى وما عاندك وانت اللى جبان
الوهم طريق مشتهونى وبكذب القصر بنتهولى
خدرت القلب وبجنونى صدقت كلام
يا خسارة اخلاصى فى حبك والله انا ندمان
على ماضى اتكسر بغدرك وضياع احلام
ندمان على ماضى اتكسر
كاتم فى قلبى وبتحسر و بنز الام
بقلم محمد البلاط
ليست هناك تعليقات:
إرسال تعليق