.( إعمل عبيط ).. بقلم.. ماهر البساطي..

..( إعمل عبيط )..

""""""""""""""""

إستسلمت..

وف حضنك..

بقي الخضوع واجب..

إستسلمت..

وعسل الشفه..

أنا فيه دايب..

أنا كلي ليك...

هاتسآلني إزاي..

أوصفلك..!!

ولا تجاريني واجاريك..

ألمسك..

وتدغدغ ليا مشاعري..

طب مشاعرك..!!

إحساسها إيه..??

مش هاكسفك..

قرب تعالي..

قرب كمان..

غمض عنيك..

إحلم معايا..

بتتمني إيه..

ولو فجأه...

حسيت ب نفس..

إعمل عبيط..

خليك غويط..

لحد ماتنول المراد..

لو لاقيت..

لمسه حايره..

تنهيده شاقه..

الصدر طالعه..

لمسه طايره..

مش ثابته هي..

بس ماشيه..

في كل مكان..

وقلب..

بيدق دق..

حن ورق..

طالعه منه الدقه بوووم..

بس حاسه بالآمان..

إعمل عبيط..

خليك غويط..

لحد ماتنول المراد..

لو لاقيت..

الحضن دافي..

حاسس انه..

م الدنيا كافي..

والقلب حاسه..

برئ و وافي..

والكلمه منه..

اللمسه منه..

علاج لجرحك..

طبيب وشافي..

إعمل عبيط..

خليك غويط..

لحد ماتنول المراد..

لو لاقيت..

في عينه دمعه..

صاحيه ولامعه..

نورها ضي..

شق الظلام..

يبقي حي..

الضمير وحبه..

طريق ممدود..

كله آمان..

يبقي هو..

إللي جوه..

ساكن القلب..

والعين كمان..

شريك العمر..

إللي يُسر..

وطعم المُر..

في هواه سكران..

ف اعمل عبيط..

خليك غويط..

لحد ماتنول المراد...

بقلم..

ماهر البساطي..