نزلت سوق العطارة
------------------؛
نزلت سوق العطارة
وعملت نفسى عطار
اوصف الدوا للحيارى
واهدى اللى عقله احتار
واصبر ف السهارى
واسكت اللى ف قلبه نار
-------؛
دويت المحتارين
وبقيت انا المحتار
من عيون جبارين
يخلوا الحلو مرار
وصبرت السهرانين
وصبحت انا السهار
وسكت قلوب المحروقين
وانكويت. . انا بالنار
-------؛
رحت لشيخ العطارين
حكيت له ع اللى جرالى
بكى .. بدمع العين
وصعب عليه .. حالى
قال لى اصبر يا مسكين
م الحب ياما جرالى
دا ياما يبكيك سنين
وياما يسهرك ليالى
قلت له ايه دوايا
اوصفه وانا أجيبه
قال لى دواك مش معايا
ده مع اللى خد من عقلك نصيبه
------؛
بقلم / عادل شعبان
ليست هناك تعليقات:
إرسال تعليق