حقوق النشر محفوظة
-------------؛
شرب الكيف
------------؛
شرب الكيف ودانى ف داهية
خرب البيت بشطارة ناهية
اول ما ألف ... سيجارتين
ألقى البوق. .مكان العين
وأم الخير اناديها حسين
وامشى ف شبرا
الاقينى فى ناهيا
شرب الكيف ودانى ف داهية
----؛
يللا بسرعة يللا هاتولى
ربع زبيب من عند .. مانولى
واتفرجوا على عرضة وطولى
شوفوا الخيبة اللا..متناهية
----؛
قوام البانجو يلف دماغى
وسنانى طالعة من صداغى
وشغلى بقى وقت فراغى
ودماغى سرحانة و لاهية
----؛
والبرشام ضيع لى فلوسى
والعفريت مش جوة فانوسى
يا كسوفى من أخويا سنوسى
قاللى العيلة بيك متباهية
----؛
ولا أضرب ..شمة كوكايين
او حقنة م .. التوكسافين
وف ثانية ابقى م التايهين
ويقولوا عليا ده واد داهية
شرب الكيف ودانى ف داهية
-------؛
بقلم / عادل شعبان
ليست هناك تعليقات:
إرسال تعليق