قصيدة / ( على قلبى اتدلعى )
بقلم / هدى سيد
٢٠١٦/٦/١٣
فاكر فى يوم ما جيت لقلبى
وقلت لى
وقت احتياجى هتيجى
عندى تضمنى
وإيديك تطبطب ع الوجع
وتحسنى
ناديت عليك وقت احتياج
ما سمعتنى
بعت قلبى لحد قلبك ما
استجاب
ممكن تقول لى كنت فين المدة دى؟
طال الغياب
وليه وأنا ف أشد الحاجة ليك
دوقت العذاب
إزاى هتبرر ليا أنا الإبتعاد
أنا أملى خاب
سكتت ليه يا حب عمرى ؟
ما فيش جواب؟
#مهلا يا مهجة القلب وحياته
ما تحكمى
ما يحوشنى عنك غير شديد
بس افهمى
خفى هجومك والكلام من غير
دليل ما تحكمى
بصى بعنيكى جوه عينى
والضمى
قلبك ف قلبى دوبى عشق
حبيبتى قبل ما تندمى
أنا مش هبرر بعدى عنك قلبى دقاته
اسمعى
لساكى بتقولى عليا اتخلى عنى؟
بس خلاص الضحكة دى أجمل
جواب
أيوه بقى الضحكة دى إوعى
تغيب
على عرش قلبى اتربعى واتحكمى
و اتدلعى
ليست هناك تعليقات:
إرسال تعليق