خلينا نغنى فى أفعالك شعر / حمودة المطيرى
مهداه للبطل العراقي / منتظر الزيدى
تعالوا نغنى شيكا بيكا
ونحاول نكشف أمريكا
الزيدى ضربها بالحزمة
وشعوبنا بتعزف مزيكا
شيكا بيكا يا حلوة يا أمريكا
جزمتنا مقاسها هترضيكا
لو عايز تسمع نصيحتنا
قوم واعمل منها انتيكا
قوم وارقص... يله يا على ويكا
لفضايح بشبش ومونيكا
بشبوشه ياغالى يا شيكا ماكا
يا مخلى كلابك ترعاكا
لو عايز تفهم طبيعتنا
إسمح لى أغنى فى هواكا
وأعد العدة لحضرتكم
والبلغة ترقص فى قفاكا
والكل ينادى لبشبوشه
لساكا- هتاخد- لساكا
لو كنت هتنسى جزمتنا
مش ممكن هي هتنساكا
منتظر الزيدى يا قائدنا
يا معلى دايما نخوتنا
خلينا نغنى فى أفعالك
علشانك تكمل فرحتنا
وتورى الجزمة لأجيالك
وتخلى الكلمة كلمتنا
وتشق طريقنا لحكامنا
وتدارى علينا فضيحتنا
ونغنى لجيلنا حكايتنا
وأمريكا توطى لجزمتنا
يا زيدي حققت آمالك
الدولة الكافرة شاهده لك
بشبوشه رئيسها بيركع لك
والشعب المصرى حياك
عليت من راسنا وكرامتنا
وضحيت بإخوانك وبمالك
أنا نفسي فى كلمة أقولها لك
فى طريقها- لسه- جيالك
بشبوشه ابن البرطوشه
مش ممكن ينسى أنعالك
شعر/ حمودة سعيد محمود
الشهير بحمودة المطيرى
ليست هناك تعليقات:
إرسال تعليق