.. يا بويا ..ماهر البساطي..

(( عادي ))

أنا من بعدك....إنسان تاني
شايف كل شئ....عادي
لا فارقه معايا الفرحه
ولا قلوب مسامحه
ولو أحزان وجارحه
برده... بقول ... عادي..

مايعوضنيش عنك
ولا ميت الف قلب
وجودي كان جانبك
أكبر من أي حُب
لكن شاء القدير
ومشيئتُه أنا ليها مُطيع
واختارك ياحبيبي
.. يا بويا ..
فُراقك أنا لُه حزين..
العضم الطري شّد
جٍمد قواه الزمان
قدام الناس جبل
وف نفسي خوف وآلام..
كنت ليا سند
ضهر.. ومسنود عليه
أب.. وكان عنده ولد
وزمانه إتقلب عليه..
الله يرحمك يابا
بقينا في خانة الغلابه
كل شئ بقي عادي
والحزن..
خلاص بقي عاده..
ماهر البساطي..