طَبعِك غَريب - غنائية من كلمات عزت عبد العزيز حجازي

 طَبعِك غَريب

=======

طبعِك غريب فى الهوى ..

مش حِمل أى ملام ..

طب أعمل إيه لو حلاَ ..

لعنيكى وهم زمان ؟!

**

أهدم عرُوش حُبنا ..

واللا حنين قُربنا ..

واللا نعيش فى خصام ؟!

**

أطعم وحُوش غِلنا ..

واللا آنين غُلبنا ..

واللا الحنين ينضَام ؟؟

**

لُوم الحبيب مش قَسَىَ ..

ولا سِكه للأحزان ..

لوم الحبيب مش حصَىَ ..

تِمشى عليه الأقدام ..!!

**

عُشاق كتير قبلنا ..

قبل الزمان بزمان ..

شهدوه كِتير قبلنا ..

والعشق لُه أحكام ..!!

****

غنائية من كلمات

عزت عبد العزيز حجازي