بقلم .ميدو ميدو.sahar elgazzrبنت البرامون
مالك إيدك على خدك
فضفضيلى دنا جارتك
أبدا مفيش ده عمك
درويش عاوز عيش
صابح مخبوز ع المطارح
عجنت وعجينى طافح
ومحتاجة بس شوية حمية
بس كده خضتينى يا ولية
الحمية عندى ياما ياما
خودى ال يكفيكى
يا ام سلامة
وبعد مانخبز الرغفين
نعمل وراهم قرصتين
ونشوى قرنين فلفل
وبرنجانة
وبطاطس مشوية
ومهروسة مع الابابير
السخنة وطبق ملوخية
الله دا اكلة حلوة
يا أم ذكية الخبزة
الجاية تعمليلنا دقية
بامية ونبقى نعزم
جارتنا سامية
تخبز معانا قاعدتها
حلووووووة
حاضر ياختى من عنية
هنجيبها الخبزة الجاية
أقوم أنا فوتك بعافية
زمان ابو زكية جاب
الجوافية هيعملها
عصير ل ابوة
اصلة بعافية
طيب ياختى
بالف سلامة
ماتنسيش تاخدى
الباب فى ايدك
شوفتوا أيام زمان كانت أكبر مشكلة عندهم بسيطة وحلها سهل
دلوقتى فى زمن النت والعولمة مشاكلنا كبرت واتعقدت وكلة فى ايدينا الحياة بسيطة واحنا ال معقدينها يرحم زمن البساطة واللمة الحلوة.
بقلم.ميدو ميدوsahar elgazzar بنت البرامون
ليست هناك تعليقات:
إرسال تعليق