يمكن أكون غلطان
دا الذنب مش ذنبى
شهره تكون قدرى
وقدرى أكون عاشق
بالريشة والالوان
ماتكسريش خاطرى
سامحينى يامشاعري
سامحينى عشان خاطرى
كان نفسى يكون رسمى
راسم حدود عشقى
حدوتة بالالوان
وعرفت انك بالقيود لايقه
وانك ف سجنك أميرة
ف عباية السجان
انا اللى حررتك غلط
وبنيت سفينة من ورق
ولبست تاج قبطان
انا كنت فاكر بالصور
اقدر اكون عاشق
أقدر احرر نبضتى
وارسم مشاعرى ع الورق
قالولى خيال شاعر
وانك رسمت الصور
ونسبت تحط النقط
وغلطت ف العنوان
سامحينى يامشاعرى
يمكن أكون غلطان
#####
الصورة الحادية عشر
####
سامحينى يامشاعرى
####
الشاعر سمير موسى
ليست هناك تعليقات:
إرسال تعليق