قررت أعيش
فبالتالي ميلزمنيش
أمثالكم فارجوكم سيبونى
أعيش
قررت أتخلى عن النخوة
وعلى سهوه
راح أكل عيش
وبشويش
راح أخد عليكم البقشيش
فمتلومنيش
لو ظهر عليا الريش
ومتسالونيش
فلان مات فلانه تعيش
وبالتقشيش
راح اتمسكن ولا الدراويش
ولا تتغاظوا
لما تلاقونى لابس بدله
ولا اجدع لوا في الجيش
ولا تقولوا منين دا كان خالص
مفيش
وانسونى لأنى كمان هنساكم
وهنسى الفقر وياكم
وهطلع عند ناس فوق
وأعيش لنفسى واروق
واتكلم بأجمل بوق
واتعلم الكلام بقلة ذوق
وأحفظ لى كام كلمه
من الواطى
وعادى منا لازم اتعلم
اطاطى
وأدى العصمة لمراتى
واطبل واغنى للماضي وللاتى
أعيش مبسوط مع الاندال
واللى يتجوز مامى اقوله
ياخال
وأنا آسف أنا عندى عيال
يمكن تتبدل بقى الأحوال
وأبقى من طبقه بعيد عنكم
وكلها كام شهر
اركب عربيه نوع فاخر
وبعيد عنكم اتاخر
كلام م الاخر
هسبغ شعرى بلون أسود
وعلى كرسى بيلف راح اقعد
وألف شمال وألف يمين
واشوفلى عيلين صايعين
وفيهم أنا اتحاما
والاسم بودى جاردات
وكام مداخله مع القنوات
وبردون على اوكيه
على مونباشا على مونبيه
على شان خاطرى انسونى
لأنى قررت انساكم
أنا جبت أخرى وياكم
ونتقابل في ذكراكم
ذكرى سيئه طبعا
ليست هناك تعليقات:
إرسال تعليق