بيقولوا الأمل فكره
وأنا حلمان اجيب بكره
ولا قابل أعيش نكره
على الهامش
مابين عايش ومش عايش
ولا حفنة تراب بايش
باقيا غبار متطاير
يخلونى أكون رايش
أنا حتما ولازم أكون فاعل
ولا هقبل أكون مفعول
مرتبطة أيدى وأكون مغلول
ولازم أقول للكون أنا موجود
أنا فى وطنى هنا مولود
مش عابر سبيل
أنا مش هابيل
ولاهقبل أكون قتيل
ولا قاتل
لكنى ممكن أكون حاكم
وافرد على الكون احكامى
واخلى الجميع ينطق
بأسمى وعنوانى
ومش هقبل أكون
واحد تانى
انا الجانى يوم متغير التاريخ
والمجنى لما ينزل المريخ
على كوكبنا بدون تصريح
وانا القاضى لما يتحاكم
العالم على الإنسان
وحكمى يبدأ بالسؤال الآن
لماذا ؟ قسمتم العداله اتنين
وضيعتم هنا الميزان؟
سعيد عباس الضو
ليست هناك تعليقات:
إرسال تعليق